Ooper Waali Manzil (afsaane) (Urdu)

رفاقت حیات نے درمیانے اور نچلے درمیانے طبقے کی زندگی کو اپنا موضوع بنایا ہے۔ شاید کچھ لوگوں کو یہ بات معمولی لگے لیکن میری نظر میں ایسا نہیں ہے۔ میرے خیال میں ہمارے افسانہ نگاروں میں سے کسی نے بھی ان طبقوں کی زندگی کو اتنی اپنائیت، محبت اور تفہیم کے ساتھ اور ہنر مندی سے کہانیوں میں نہیں ڈھالا ہے جیسے رفاقت حیات نے اپنی کہانیوں میں بیان کیا ہے۔ رفاقت کی تمام کہانیوں میں ان طبقوں کی زندگی ، ان کے مسائل، ان کی چھوٹی چھوٹی خوشیاں اور غم ، ان کی محرومیاں ، ان کے خوف غرض کہ ان کے زندگی کے مختلف رنگ پوری گہرائیوں کے ساتھ منعکس ہوئے ہیں۔ ہمیں ماننا پڑے گا رفاقت نے یہ کہانیاں لکھ کر اُردو افسانے کے قاری کو ایک ایسی دنیا سے روشناس کروایا ہے جس سے نا واقف تو نہیں مگر جس کو اتنی گہرائی سے شاید پہلے کبھی نہ دیکھا ہو۔

افضال احمد سید رفاقت حیات سادگی سے زندگی کی سچائی کا سامنا کرتے ہیں۔ انھیں عام آدمی سے دلچسپی ہے اور انھوں نے چھوٹے بڑے شہروں ، قصبوں میں رہنے والے لوگوں کے چھوٹے بڑے دکھ سکھ کو اپنے افسانوں کا موضوع بنایا ہے۔ ان افسانوں کے کردار و واقعات ہمیں جانے پہچانے معلوم ہوتے ہیں جیسے کہ ہمارے ارد گرد سے نمودار ہوئے ہوں اور اگر ان افسانوں